کله ناکله می سلګی خپه شي
کله ناکله مې دزړه دروازه
څه ناکراره غوندي وټکیږي
ستا د یادو په سترو کاڼو باندي
کله نا کله!
کله نا کله زړه رپیږي داسي
لکه چنار چی طوپان وښوروي
داسی می زړه ستا د یادونو ګذار
سم له ریښی سره راولرزوي
او د زړګی له هر ټکانه سره
بریښنا په زړه د اسمان وغړمبیږي
او په شر شر سره باران راتوی شی
زما د سترګو له شینکي اسمانه!
کله نا کله، ګله!
داسی چمونه ستا یادونه کوي
ماته خو ووایه چی ولی ولی؟؟
رڼا مومند