پرته له تا چې زندګې تیریږي
څه ناروا مې زندګې تیریږي
ماته ګوګل خالي خالي پاتي دی
بې له اشنا چې زندګي تیریږي
راحت به څه مومې خاطر د سکون
داسې په چا چې زندګي تیریږي
د نصیب سترګي خامخا شرمیږي
چې بې حیا مې زندګي تیریږي
رڼا په زوره وایې، اې صنمه
خداي که بی تانه زندګی تیریږي
ما خوکلونه په درشل کې ستا قربان کړه ګلّه
ما خو په لپو کې ګلونه د خاطر هر ورځ
ستا د هر ګام په هره خوا وشیندل
ته مې د اوښکو د دردو په ژبه پوه نه شولۍ
خوته زما دارمانو په ژبه پوه نه شولئ
ما مې دردونه په سینه کې اوبه کړي ګله
ما د ژوندون په هره پاڼه کې نن
ستا د نادودو کیسئ ولیکلې
ته مې داوښکو د رودو په ژبه پوه نه شولئ
خو ته زما د ارمانو په ژبه پوه نه شولئ
ما خو ځولې وه خوره کړې په تینکې مینه کې
ما خو د زړه هره ټوټه په مینه
څه د وفا اوصداقت په بڼ کرلې هم وه
خو ته د زړه د فریادو په ژبه پوه نه شولئ
ته خو زما دارمانو په ژبه پوه نه شولې
د زړه په سر مې نن د صبر کاڼه و لرزیده
غوږ د خاطر ته يې د مینې نغمه وغږیده
د بیلتون کوکه شوه فضا د مینې ړنګه شوله
نړی دخیال مې بې اختیاره په زور وژړیده
رڼا مومندي
ستا د شوڼډو رنګ چې نه وي په محفل کې رڼآ چیرته به ماښام د زړه رنګین شي؟
ژوبل، ژوبل زړه مې چیرته ټکور نه شو
اې طبیبه اې درمانه، ته هم ستړې زه هم ستړۍ
بیا کیسه د ګونګې خوله په ژړیدو شوه
ای زما د ژوند داستانه، ته هم ستړې زه هم ستړۍ
بیا روانې ستا په لورې ښکته درومي
اې زما لونده ګریوانه، ته هم ستړې زه هم ستړۍ
نورېې توان د وړلو پاتې نه شو ماته
اې زما د ژوند کاروانه ، ته هم ستړې زه هم ستړۍ
راشه لاس د مینې راکړه، چې پخلا شو
کبر مه کوه جانانه، ته هم ستړې زه هم ستړۍ
نور به اخلمه رخصت ستا له یاري نه
د رڼا پاتې ارمانه، ته هم ستړې زه هم ستړۍ
رڼا مومندي
حالات؟
داڅه حالات دی چی ارمان ژړوی
ماته دمینی ټول جهان ژړوی
دستور د ژوند خو عجیبه غوندی شو
چیری ماشوم چیری موځوان ژړوی
سترګی، ژړیږی او زړګی ژړیږی
درد خو مو پریږده چی درمان ژړوی
داڅه معنی دژوندانه ده خدایه
چی په هرلاره کی انسان ژړوی
زه یی د فهم په لټوڼ کی ورکه
ولی دمینی غلامان ژړوی
یا خو شکیدلی په دردونو کی وی
یا یی دزړونو قاتلان ژړوی
ټوټی ټوټي دانی دانی شوو ربه
ترڅو به ویر مونږ د هجران ژړوی
کاروان دزړونو ستړی شوی ژونده
اخر ترڅو به مو ساروان ژړوي
بی وسی کوکی مو انسان نه اوری
که نه په زړه کی خو اسمان ژړوی
ربه ترکله او ترکومه پوری
هرڅوک بچی دخوار افغان ژړوی
رڼا مومندی
رڼا مومند
لټوڼ 