په څو ژبو ګويا يم، پوهيږم او غږيږم
په شوڼډو مى د مينې او وفا ژبه پښتو ده!
هر څومره که جامې د فکر وباسم له تنه
د سترګو په ليمو مې د حيا ژبه پښتو ده
منم چې تا ساتلې ده تیارو د رواجو کې
منزل د سباوون ته خو زما ژبه پښتو ده
بازار د چل او ول ېې یو ځل چیرته تود نه کړ
ډګر د صداقت کې مې ریښتیا ژبه پښتو ده
که تا ته دوزخي ده، خو ماته جنتي ده
د پلار نیکه په در می د سخا ژبه پښتو ده
په تا مې غرض نشته چې کومه ژبه واېئ
خو مور ده ورښودلې د (رڼا) ژبه پښتو ده!
( رڼا.م)
لټوڼ 
So very true! Who wrote this?
Thank you! I only write and share my own writing.